schööne oschtermäntig allne zäme :)
also zersch welli mi mol entscholdige das ich so lang uf de itrag lo warte lo han aber jetzt esch er jo cho ond deför gets rechtig vell z verzelle......
also mer fanget ganz am afang a..... nämmli bim samschtig.... also was han ich dete tolls gmacht.... mhmmm ich han packt und potzt und gschrobbt und eifach alles a sin platz gschtellt (also nomme i mim zemmer) das esch nämmli en mega arbet gsii..... und denne benni samschtig obe am 8ii nachdem ich met minere familie telefoniert han ab uf ribe.... well denne hets agfange.... ab uf tschechie :D han mi riisig druuf gfreut :) aber befor mer in tschechie acho send hets zersch gheisse fahre fahre und nomal fahre.... öbbe 13 stund semmer i dem unterchüelte car enne gsässe und ich han mer de arsch abgfrore ond darom need sonderlech vell gschlofe.... aber hans öbberläbbt.... nach dere lange carfahrt hämmer in theresienstadt en halt gmacht ums arbeitslager usem 2. wk azluege..... wenn mer ghört het was dete so gloffe esch... eiii da esch krass.... nach enere füehrig und nachher nochli sälber luege semmer weder alli zäme in bus igschtege und wiitergfahre... nomal 3h carfahrt bes i das städtli wo mer eusi erschte 4 tääg verbrocht hend..... (kei ahnig meh wie das heisst)..... am nomiitag semmer denne go "wandere" aber eigentlech esch es meh en sehr lange spaziergang gsi dor d stadt... aber die stadt esch zwösched zwoi berge boue gsii ond mer hend us em einte euses hotel gha und send bes as andere endi gloffe uf de anderi ufe..,.... aber get schlemmers und ich als wasch ächti schwiizeri ben mer jo scho anderi wanderige gwönnt ;) oder so :P am nechschte taag semmer denne am morge zerscht chlii go chlätere ond wenni säge chlii denne meini das au..... es esch scho cool gsii wennd mol dra gsi besch aber bes dete hesch eifach 1h gwartet.... ond besch vellecht 10min am chlätere gsii und need meh...... hanni chlii schad gfonde hetti gern chlii meh gmacht....... aber ja ich han jo needs säge gha...... am nomittag semmer denne go en ol mache..... en rächt chliine aber herte..... esch amol rächt de berg doruf und dorab gange aber mer hends öbberläbbt und send au no super gsii (1.platz :D) zum znacht hets denne ergendwas traditionels tschechischs geh und wie d däne so send hends es need mol probiert sondern hend sich entschede sie ässed lieber süesses und schoggi oder gönd nomal id stadt..... tja so send d däne halt.....am 3. taag semmer denne go mountainbike obwohl MOUNTAINbike esch vellecht s falsche wort.... mer send vellecht 1 km need uf de stross gfahre und dete esch es au need dorufgange ond soscht semmer emmer schön uf betonierte strosse gfahre.... wie langwiilig...... nach em zmettag semer denne mol weder in bus igschege und send zonere tropfsteihöhli gfahre aber ich fend es esch jetzt need so idröcklech gsii wie anderi woni scho gseh han aber da die meischte vo minere klass s erscht mol öbberhaupt en tropfstei gseh hend esch es för die halt au idröcklech gsii.... aber egal es zellt jo sowiso meh das mers met de mänsche dete guet gha het und loschtig und das esch de fall gsii :) am 4.taag semmer denne för einisch mol weder in bus igschtege und mol weder 2h gfahre bes uf prag :) und nach em zemmerbezie und zmettagässe semmer au scho los go s damalige judequartier azluege und erkunde..... nach dem semmer no ines komunischtemuseum und nachher hämmer freiziit gha bes mer eus weder troffe hend zom zäme go ässe und zwar im hard rock kafi :) esch toll gsii :D feins ässe und super musig :) am letschte taag hämmer denne zerscht en 2schtündigi stadtfüehrig gmacht und nachher hämmer no de rescht vom nommittag frei gha zum chlii go lädele :) bes mer eus denne am obe am 7nii weder uf de heiwäg gmacht hend...... am friitig morge (am 6ii) in ribe acho hanni norno welle is bett und schloofe.... wasi au gmacht han...... samschtig obe esch denne no abschlosfäscht gsii vom handball es send mega vell lüüt cho und es esch en tolle obig gsii :) aber mol weder peinlech för mich..... es esch nüämli vo jedere mannschaft eine zum speller des jahres kührt worde.... und bi eusem team ben ich das gsii ond denne min trainer so mini halbbi läbensgschecht verzellt vo wäge ja im sommer esch si cho keis wort dänisch schprächend und blabla bla bes hi zo ond jetzt chan si besser dänisch als ich blabla wiiter zo das ich s spiel guet chan läse und schnell ben und en super sprungchraft han und so wiiter.... ich ben en halbi ewigkeit det fore gschtande und ben emmer röter worde...... aber get jo schlemmers ;) am sonntig hanni no vertig uspackt vom klasselager und han mis läbe chlii gnosse
;) am menntig benni denne zo de kollegin wo mer es oschterässe gmacht hend...... han nonie vo so was ghört aber egal ;) esch gliich loschtig gsii und alles.. :D ziischtig.... mhmm was hanni am ziischtig gmacht.... ich weiss es nömme aber uf jede fall mol weder mis zemmer ufgruumet ( ich weiss need wie mer das schafft i so chorzer ziit weder so es dorrenand z mache) ond agfange packe (mol weder) am mettwoch hanni denne no alles zäme gsuecht wonni nömme han chönne bruuche do in DK und no chlii chleider gwäsche und eifach alles parat gmacht well am nomittag send denne mini tolle eltere met mim schwöschterherz, mim chliine cousinli und de alba cho :) und zäme semer denne chlii go dänemaark aluege :D zerscht semmer uf odense gfahre und hend dete chliid stadt aglueget und eus ufd spuure vom hans christian andersen gmacht und eifach chlii d sonne gnosse..... esch au mol schöön :D und am nechschte taag semmer denne nach em zmettag wiiter gfahre uf kopenhagen wo mer imene tolle bed and breakfast userhalb vo de stadt gwonnt hend dete hämmer denne zom xte mol brandi dog gschpellt haha das esch glaubs s noie lieblingsspiel vo minere familie :D am friitig semmer denne uf kopenhagen zerscht go en haverundfahrt go mache und nachher met de hop on hop off bus chlii go ome fahre :) und ja esch toll gsii :D wörkli super :D am obe diheime hämmer mol weder paar rondene brandi dog gschpellt befor mer müed vom ganze taag omelaufe is bed send am nechschte taag send mer denne weder uf kopenhagen und sen unter anderem chlii go lädele aber hauptsächlech nochli meh sight seeing :) nacheme taag met ganz vell laufe semmer denne weder us de stadt zrog is bed and breakfast..... dete hanni mi denne zerscht gopferet zom met de jenny mathi z mache..... eii esch das en chrampf... aber deför hämmer nachher chönne go oschterhase sueche :D und mol weder dog spelle :D haha das spieli hanni so oft gschpellt das wochenend echt krass ;) aber esch ebbe scho es tolls spiel :D am sonntig hämmer denne in aller rueh zmorge gässe und packt und send nachher zrog erchtig ribe gfahre... dete semmer au weder chlii go d stadt aluege und zäme go zmettag ässe nach em zmettag wie hettis au andersch chönne sii semmer no es letschts mol go dog spelle.. :D befor si mich denne hei brocht hend und sech chorz spöter uf de heiwäg gmacht hend..... ich han denne norno mis züüg uspackt und ben früeh is bett..... ond ja jetzt esch scho oschter mäntig und morn heissts weder ab id schuel und die letwschte 20 tääg do ide dänische schuel z gnüsse ond nochli lehre ;) ond au soscht heissts no die letschte 2 mönet z gnüüse und us allem s beschte z mache well schliiesslech hesch die glägeheit nomme einisch dich ustuschschüeler z nänne ;) also liebs grüessli und bes i 2 mönet :D
ahh und haltet euch de ich glaubs esch de 27. aber am beschte au de 28. 7 frei well denne händ ich und d alba forgha ees chliises fäschtli z mache... nämmli es ciao alba und hoi ria fäschtli :D
also nomal es liebs grüessli us em nömme so chalte norde :D han euch alli mega lieb :D
p.s. papi ich wönsch der alles alles gueti zum geburtstaag und hoffe das du de itrag ersch morn lessisch ;) ich wönsch der en super taag und eifach alles alles gueti förs 48. läbensjohr <3
ond nomal en ahang.... a alli vom d1 wo de blogg läsed... ich wönsch euch alles alles gueti förd barragespiel und mached si fertig... ich weiss ehr chönds... zeigets au ;)
Keine Kommentare:
Kommentar veröffentlichen