guets tägli :)
also nach de ferie esch es jo am ziischtig weder wiiter gange met de schuel eii esch das en chrampf gsii am 6.15 ufstah und so früeh auno velofahre nach enere woche emmer schön lang usschlofe,... eidütig keis schoggiläbe ;) am ziischtig hämmer au no turne ide schuel gha.... und mer mached gymnastik.... iuuuu wie schrecklech.... mer müend so zomene lied eus bewege (aber need eifach tanze) sondern so uu komischi sache mache.... ich fends schrecklech... ben froh hämmer das jetzt norno 2mol.... ;) jaa ond am ziischtig obe hanni denne au no handballturnier gha :) ändli weder handball spelle :D ond das esch dosse gsi also uf em rase :D dete hets denne paar loschtigi szenene geh , vo wäge usrotsche und so :D aber esch eig. need so spannend gsii well eusi gägnerinne send najaa... chönnted besser si ;) mer hend einisch met 8 und einisch met 10 goal gunne und das i 30 min..... also rächt klar ;) aber es esch mega oschtig gsi ond das esch jo d hauptsach ;) mettwoch hanni denne grad nomal müesse so mega früeh ufstah und id schuel.... aber deför hanni am nomittag/ obig chönne schöön relaxe :D und bes idi spot nacht met de delia quatsche :D well tadaaaa am donnschtig hanni frei gha :D jupiiii :D han so schöön chönne usschlafe und de ganz taag gnüüse.... leider hets chlii fescht gwendet zum dosse ga sünnele aber mer chan au so entschpanne :) und friitig hämmer au kei schuel gha :D mer hend sporttag gha.... und jaa esch eig. voll easy gsii :) mer hends amol luschtig gha und alles :D es het chlii komischi diszipline geh aber egal.... :) am obe hets denne gheisse sidste heimdal.... letschti schuelparty.... und dete benni natürli gange :D esch mega loschtig gsi und so :D und ergendwie händ mer lüüt hoi gseit wonni gar need gwösst han dass si mich kenned.... aber egal.... jaa ond denne esch jo scho weder wuchenend gsii und ich han de samschtig demet verbrocht vell wasser z trenke fascht nüüt z ässe und mich bi allne go ushüüle das ich chopfweh han und min mage komisch esch.... natürli hanni au chlii gschaffed... z.b. hanni met diheime telefoniert und emm D1 d dumme drockt und ich han a sonere blööde presentation wiitergschaffed und ähmmmm ja mer fallt need meh i :P sunntig also höt hanni zersch mol lang gschlofe (was soscht) und nachher benni metgschleickt wurde i so es komischs wikingerdorf..... esch ganz schräg gsii.... aber jetzt hanni das au gseh und muen nie meh was met denne komische wikinger z tue ha..... ;) so ond jetzt setzti diheime tuen nochli förd schuel schaffe und nachher no mim mami allüte und ere alles gueti zum geburtstag wünsche befor ich denne früeh is bett gange... jaa das wäri eig. schoweder s neuschte gsii vo da.... en schöni wuche wönschi eu allne und bes nechscht wuche wenn en neue itrag chunnt ;)
grüessli euchi ria
Keine Kommentare:
Kommentar veröffentlichen