feriiie send daaaa :D

guete obig :D oder morge oder mettag oder wenn er de au emmer läsed ;)
also mini letschti wuche for de früehligsferie esch folgendermasse abglofe.......
am mentig han ich nach de schuel oder besser gseit am obe weder mol training gha... ond da d saison jo scho lang fertig esch hämmers natürli need ganz so seriös gno esch jo klar ;) uf jede fall hends denne welle es spieli spelle wo emmer 2 zäme send ond denne schüssd eine nach em andere ufs goal ond wenn beidi träffed dörfeds en position wiiter, wenn beidi verschüssed müends eini zrogg ond wenn öbbert trefft ond öbbert verschüsst dörfeds bliibe.... uf jede fall hämmer kein goali gha ond well niermet andersch het welle esch die tapferi ria wo gar kei angscht for em ball het is goal.... ond jetzt chonnts mer hend fascht e stund lang gschpellt.... okee need ganz aber secher meh als e halb stond ond es hets keis team gschafft e ganzi rundi z mache..... das heisst ich ben wörkli en super goali :P oder so was ide art ;)
am nechschte taag esch es denne met de schuel ab uf esbjerg gange go so komischi bruefs ond studiumswahl usstellig go aluege ond verschedeni presentatione lose..... esch riisig spannend gsi wells mi jo fascht was agoht ;) aber au das hanni ohni ernschtnehmendi schäde öberstande :) ond scho esch mettwich gsii de ketschti schueltaag.... :) oder besser gseit de letschti normali schueltaag..... ond stelled euch vor...... tadaaaa ich ben freiwellig go jogge ond han chraftüebige gmacht..... wie krass oder :P haha jaa ich weiss ich genie :D
ond schon war donnerstaag und die grosse ond schreckleche terminsprøve send agschtande..... nor so zor information terminsprøve send sowas wied generalprobe för d abschlossprüefige nomme met dem untersched das sie au recht vell zelled..... najaa... esch jo guet chrazt mich das herzlech wennig ;) haha neinei so desintressiert hanni natürli shco need do ;) also ebbe donnschtig hämmer mathi terminsprøve gha... ond najaa was sölli säge... die dänne hend nömme all tasse im schrank..... die einti esch met emene ganze klappcheschtli voll notize cho... (do dörf mer notize büecher formelsamlige ond alles metnäh ad prüefig) ond ich han nomme mini formelsammlig und es buech debii gha ond soscht nüüt.... denne benni scho s erscht mal verunsecheret gsii.... ond nachher fanget alli a so blöödi formle abezrattere wo si uswändig glehrt hend ond vo es paar vo denne hanni no nie was ghört.... genial..... ond denne hend au no alli es riise picknick uf em tesch gha ond ich met mim winzige lunch ben mer schoweder blööd vorcho.... najaa werend de prüefig esch das denne alles unwechtig gsii ond tja ich tier han voll gresse... ich hoffs amol :P hahaha jaa ben eifach scho nach 2 1/2 h fertig gsii ond eig. hettemer 4h ziit gha..... :) ond denne am obe hanni zersch met mim schwöschterherz und mim mami telefoniert befor ich denne wäge denne z spot is training cho ben.... najaa... esch need schlemm gsii... hetti chönne en halbschtond spöter cho ond hetti mi gliich vell bewegt.... send wörkli nomme omegschtande ond hend eus glangwiilet.... aber nachher hämmer deför nochlii chönne mätchle ond ich ben vo einere ungwonnte position zor nöchschte..... zersch benni rächte flögel gsii was jo no voll goht.... nachher benni goali gsii ond au dete esch voll easy gsii ond zom schloss benni no chreis gsii.... genau ehr hend rechtig gläse CHREIS.... ich han kei ahnig gha was mache ond ich well nie im läbe imene rechtige match chreis si... ich stoh för da eidütig z wennig uf schmerze ;)
am friitig hanni denne die 2. prüefig gha ond zwar englisch.... eig. chönnt mer jo meine das wäri eifacher als mathi aber nei esch es need..... die dänne send scho abartig... i 3 vo 4 englisch ufgabe hesch müesse dänisch chönne.... i 2 hesch müesse uf dänisch öbbis erkläre ond die einti esch no en öbbersetzig gsii.... genial muen scho säge.... het mi grad chlii agschesse aber hans gliich ergendwie gschafft au wenn si secher lang werdet ha zom mis möchtegern dänisch z entzeffere..... najaa..... ond ond friitig obe semmer denne no bi verwandte iglade gsii well mini gschtcousine geburi gha het..... esch no voll easy gsii :) ond nachher benni hei ond han chlii ghängt wösch gwäsche und agfange packe wells morn scho los goht uf tschechie is klasse lager.... also fals öbbert was vo mer well entweder bes samschtig halbi 8ii oder ab friitig mettag morge oder soo..... ;) wönsch eu allne en schööni erschti ferie woche ond die wo kei ferie hend HAHA! :P nei scherz en schööni arbetswoche natürli :D ond ich werd mi weder inere woche oder so mälde :D
adios amigos
vi ses (mer gseht sech)