zum greifen nahe....

..... das send uf all fäll mini ferie :D norno 2 1/2 tääg schuel 2 prüefige ond denne gangi scho uf tschechie is klasselager :D FREUD :D ond nomme en halbi wuche spöter chonnd denne scho mini  liebi familie uf bsuech ond mer gönnd alli zäme uf kopenhagen :D eii das werd super :D aber jo eig. welli jo need vo mine ferie schwärme sondern vo de vergangene woche verzelle ;)
also what happened..... ehrlechgseit ich weiss es gar nömm so rächt :S also männtig esch so vell ich weiss nüüt speziells gsii ond ziischtig mhmmm..... so wiit ich mich mag errennere au need ;) so denne hättemer scho weder mettwoch..... ouu dete hanni wonderschöön scho am 11.15 us gha :) das heisst ich hetti chönne am 12ii diheime sii :D yay.... aber nei mer stönnd am bahnhof ond de zuug chonnt need.... zersch jo er het 10min. verspötig.... nach 10min emmer no kein zuug do... jaa er het nochlii meh verspötig.... am schloss benni meh als en viertel stund spöter diheime gsii nomme wäg dem blööde zuug..... aber egal han gliich früeh usgha :D tja ond denne welli so vell ziit gha han ond nüüt z tue esch mer rächt langwiilig worde.... ond ergendwenn hanni denne gfonde ich muen use..... ben denne eifach schnell 1 1/2 h go spaziere :D das esch schöön gsii :) ond nachher hanni no schöön brav znacht koched ond denne esch schoweder 8ii gsii :) wie die zeit doch vergeht ;) ond nach eimol schloofe esch de scho donnschtig gsii ond dete hanni minere asecht no weder en gueti note becho :) ond weder früeh usgha :D nämmli am 12.25 :) aber dete hanni gnueg z tue gha welli beschäftigt gsii ben met zemmerufruume und ond komischs züügs för s grossmueti ond de grossvati zämebaschtle ond denne esch es mol weder ab is training gange :) ond scho weder esch de letschti schueltaag vo de woche gsii :) ond zor freud vo allne schüeler hämmer chönne chlii früehner usem mathi ond ich han min zuug verwötscht :D eii esch das en gueti woche gsii :D ond so war es auch schon wieder wochenende :)  ond ich han en wunderschööne scho fascht summer taag in flensbueg verbracht :) esch super gsii :D bi fascht 25 grad dusse ide sunne setzte und eifach nomme s läbe gnüsse :D ond wechtigi information!!! ich bechomme weder echlii farb :D jaaaa amol die erschte summersprosse send schoweder do :D  jaa sunntig benni chlii diheime gsii ond han s läbe gnosse :D denne hets no bsuech geh vo verwandte ond denne hets znacht geh ond no es unterhaltsams telefonat met minere family :) nachher hanni molo weder früeh is bett welle aber nei schlofe esch am 10nii unmöglech -.- also benni weder ufgschtande ond han mathiufzgi gmacht.... ich weiss esch chrank aber egal han nachher chönne guet schlofe :) ond han en ganz komische traumm gha.... so rechtig schräg.... aber befor ich han chönne fertig träume esch min blööde wecker abe ond ich han müesse ufstah -.-
soo das wärs mol weder gsii.... amol meh oder wenniger ;)
grüessli ond no en schööni letschti woche vor de ferie :D
ria