nothing changes....

guete morgen liebe sorgen seit ihr auch schon alle da? habt ihr auch so gut geschlafen ja dann ist ja alles klar.....
kei angscht mer gahts super :D es esch eifach mol weder en need so spannendi wuche gsii aber egal... ;) wie emmer hanni normal schuel gha wie emmer..... ond jaa esch halt need so spannend gsii.... bes s wochenend cho esch... also s letschte :D denne esch am friitig zersch festelavns fest gsii das esch so was wie fasnacht wo sech denne alli verchleidet hend :D ich ben en hippie gsi för die wos intressiert :Dnach de schuelparty esch es natürli wiiter gange id stadt :D esch rächt amüsant gsii aber d kollegin esch so betronke gsii... han angscht gha si macht ergend en scheiss...... z.b. esch si eifach ufd baar gschtege ond het agfange det obe danze.... naja so lang sis need bereut..... ;)
ond denne nach öbbe 3-4h schlofe benni am samschtig morge uf tommerup gfahre an en yfu alass dete hämmer denne meh oder wenniger de ganzi taag schoggi chueche chips süessigkeite ond so wiiter gässe ond dezue gschwätzt felmglueget musig glost ond spieli gschpellt esch mega loschtig gsi vorallem wod kollegin und ich am 12 use send ond d "stadt" nach höbsche type go dorsueche... leider hämmer weder höbschi type no en party gfonde also semmer ergendwenn weder zrogg is huss....nach nochlii meh schwätze musig und felmluege semmer denne ergend so am 3 oder so is bett... die nacht hanni 5-6h gschlofe rechtig vell ;) ond denne hets gheisse huus potze..... ond ich han kei ahnig wien ich das weder gschafft han aber ich han mer en glasspliter in fuess inegrammt....eii het das blüetet... aber kei angscht esch alles guet ond esch au need schlemm ;)nachhene hets denne ergendwenn weder gheisse abschied näh vo de tolle lüüt vo yfu ond sich uf de heiwäg mache... dihei acho esch need lang gange bessi mi weder uf de wäg nach ribe gmacht han.... han mol weder match gha....
ond tadaaaaaa mer hend gonne :D ond zwar gäge de zweit plazierti :D wuhuuuu :D
ond denne benni hei ond meh oder wenniger diräkt is bett.... han i dere nacht 13h gschlofe.... ond ben am halbi 8ii is bett..... (weiss need wenni s letscht mol so früüeh is bett ben) ond denne esch es met de schuel weder losgange... ond jaa was sölli säge de mäntig esch so öbberflössig gsi wie scho lang nömme en schueltaag gsi esch.... 2h dütsch selber arbeite ben nach 10min fertig gsi ond han de rescht vo de ziit im facebook verbrocht.... nachher dänisch wommer amene essay hend müesse wiiter schriibe well euse lehrer need do gsi esch, blööd das ich das essay need han müesse schriibe= wiiteri stond fb ond zom schloss no e stond sport theorie... dete passt sowiso niermet uf ond mer lehrt au nüüt das heisst wie chönntis andersch sii facebook.... so hend d angy  und d raphaela immerhin unterhaltig gha :D z obe hets denne gheisse ab is training.... normals training nomme das mer chlii wennig gsi send.... ziischtig esch weder normale schueltaag gsii wie emmer.... ond z obe weder training.... naja training chasch das eig. need nänne..... ben cho ond anschtat go jogge semmer in chraftruum gsässe ond hend gschwätzt ond das öbbe 45min.... nachher hets gheisse halletraining ond das hämmer nomme 45min lang gmacht well mer nachher send go de match vo de dame luege..... rechtig herts training hämmer gha well i dere ziit wo mer 4 wo gsii send trainiert hend hämmer nomme schoss training gmacht..... ond schon war miittwoch... school again and too much freetime.... weiss ächt need was mache... ben jetzt ständig am gilmore girls luege aber das esch need grad di sennvollschti freiziit beschäftigung.... ond soscht hanni am mettwoch no s badzemmer potzt ond kochet.... s einzig sennvolle wonni idere woche gmacht han glaubs... ;)
donnschtig esch wie de rescht vo de woche schuel gsii ond z obe weder training... ond ich weiss need was die woche losgsi esch aber mer send schoweder nomme 5 gsii... het mi chlii ufgragt.... aber esch gliich no es loschtigs training gsii :D friitig esch denne ändli de letschti schuel taag vor de ferie gsii jupii :D aber de esch sooooo langsam verbii gange.... schrecklech ;) aber de obig esch voll gemütlech gsii :D zerscht hämmer feini selber gmachti hamburger gässe ond nachher semmer en felm go uslehne und hend de ganz obig felm gluaget ond chips uns süesses gässe :D tjaa nachher esch mer schlächt gsii aber wien ich so schööön säge shit happens ;) soo ond jetzt esch samschtig ond ferie :D das heisst lang schlofe de ganz taag nüüt mache und relaxe :D ah ond party mache need vergässe ;) höt obe macht d kollegin geburiparty :D freu mi scho voll druuf :D ond werd euch natürli alles verzelle so inere woche oder soo ;)
soo ich hoff ehr hend euch gfreut weder vo mer chönne z läse :D
grüessli ria