boooriiiing....

soo mini lang ersehnti ferie woche esch jetzt leider leider scho weder verbii....
sie het agfange met emene tolle fäscht :D
samschtig z obe het d kollegin ere 18. geburtstaag gfiiret :D esch es super tolls fäscht gsii :D mer hends voll loshtig gha ond a z trenke ond z ässe hets au gnueg gha :D nach dem fäscht beni denne no met paar andere id stadt gange :D ond au dete hanni nüüt zahlt :D esch no cool in usgang z go ohni gäld uszgeh aber gliich hets a nüüt gfehlt ;)
sonntig morge hets denne gheisse ztüüg packe s zemmer bizzli ufruume ond mich uf de wäg mache id ferie... ich han die woche nämli uf fanø verbracht :) esch es höbsches chliises inseli vor de weschtköschte dänemarks.... vo eus us hämmer met färi ond alles öbbe en stund bes am ziischtig semmer z 4te gsii nachher esch mini gaschtschwöschter weder hei well si het müesse schaffe ond ich ben eleige met mine gaschteltere im feriehuus gsii.... wells so vell schnee gha het ond das meh so sommerdestination esch esch es denne halt rächt schnell langwiilig worde ond mer hend gläse tv glueget ond so züüg gmacht..... vom donnschtig uf de friitig send denne mini tante min onkel ond mini cousine no cho denne esch au chlii meh abgange ond esch need so langwiilig gsii :D ond denne esch schoweder samschtig gsii ond es het gheisse huus potze.... ond wie ehr secher alli wössed ben ich need so en fan vom potze..... ond wennis mache denne meh so schnell schnell ond soo.... aber am samschtig esch rechtig potzt worde... schlemmer als jede früehligspotz..... alles esch nachher blizblank gsiii... ich hans völlig öbberflössig gfonde aber egal esch  need mis brot oder ;) samschtig obe semmer denne no iglade gsii well min onkel geburtstaag gha het :) esch es amüsants chliises fäschtli gsii :D
ond denne esch schoweder sonntig gsii ond somet min letschte ferie taag..... ond a dem wechtige letschte ferietaag hanni chorz nach em ufstah scho müesse go socke zämesueche ond zämelegge..... ond so vell einzelni socke wie dete hanni scho lang nömme gseh...... zom glöck hanni nachher aber weder is warme bett chönne chrüüche ond met minere family telefoniere :D ond jaa soschtt esch nüüt meh passiert...... mendig also höt eschd schuel weder losgange ond das met enere doppelstond dütschgramatik....... rächt langwiilig gsii aber so han ich emmerhin ziit gha zom das schriibe :D
soo das wärs gsii vo mine ereignissriiche ferie ;)
grüessli ria