wie de angy versproche chonnt weder en neue post ;)
jaa what happend? eig. jo need vell... es esch en woche gsi wie jedi anderi.... ossert dass ich erfahre han dass ich mich muen entscheide öb ich d abschlossprüefige well schriibe oder need.... ond jaa met dere entscheidig hanni ehrlech gseit chlii problem.... ich weiss warschiendlech jede vo euch wörd säge machsch secher need ich meine es zehlt nüüt ond esch eifach nomme ziitverschwändig.... was jo au stemmt aber alli vo de klass ond vom handball schriibed die prüefige ond denne wössti need was mache ond mer wär gschesse langwiilig.... najaa han jo nochlii ziit zom öbberlegge... ;) ond soscht esch letscht woche eig. nüüt spannends passiert.... am wochenend hanni mi chli erhollt ond för d schuel gschaffed... genau er hend rechtig gläse ich han gschaffed ;) ond denne benni au no go gymnastik vo minere gaschtsis luege :) menntig weder ab id schuel ond ich ben wie ide letschte woche oft uf de buus resp. zuug gsecklet ;) jaa ond soscht? mhmm am ziischtig het d dame mannschaft cup spiel gha ond es paar vo eusem team send go ushälfe.... jetzt chönnt mer meine mer send dete wenniger gsii als soscht.... najaa unmerklech... obwohl 4 send go ushälfe semmer gliich öbber gliichvell gsi wie soscht ;) jaa eig. esch es jo truurig...well mer ide letschte paar woche emmer höchschtens 7 oder so im training gsii.... ganz genial....aber deför esch es emmer loschtig gsii :) ond das esch jo d hauptsach :D jaa ond soscht?? mhmmm am mettwoch hanni no müesse choche... ich hans gschafft en feini gmüesslasagne z mache :D ond soscht hanni no ufzgi gmacht und met mim mami telefoniert :) dete erfahrt mer emmer de neuschti tratsch und klatsch :) donnschtig weder training wommer au nomme wennig gsi send ond friitig normal schuel... eii das esch no amüsant gsii well mer mathi gha hend ond hend müesse ufgabe löse ond ich ben scho nach chorzem fertig gsii ond wo ich fertig gsi ben send die andere no emmer bi de erschte ufgab gsii....;) ond nachher hanni allne müesse erkläre wies goht ond was müend mache ond bla bla.... esch chlii komisch gsii aber au loschtig :) ond jaa friitig obe esch nüüt passiert ich ben diheime gsii ond jaa.... samschtig benni denne uf esbjerg chlii go pöschtele :D und nachher z obe semmer so es teather vo eusem dorf go luege :D esch no mega loschtig gsi :D vorallem well so vell lüüt cho send so en rechtigi dorfversammlig :) ond denne hesch dete gschwätzt und tronke ond jaa :D ahh no en tipp... mached nie nomme z 2te es trenkspieli denne muesch abartig vell trenke ;) sooo ond jetzt esch scho sonntig morge ond ich ben abartig früeh wach well ich kei läde oder storre i mim zemmer han onds schoweder mega früeh hell werd toll.... aber egal ;) ond was lauft höt no so? mhmm ich han no handball match und tuen ergendwenn no met diheime skype ond soscht machi mer en schööne taag ;)
soo das wärs gsii no en schööne sunntig oder jenach dem au en schööni wuche wenn ehr das erscht am menntig läsed ;)
ciao ciao
ria
Keine Kommentare:
Kommentar veröffentlichen