heii mini liebe
ich wönsch euch jetzt halt chlii spöter aber immerhin au no es mega tolls super schöns erfolgriichs spannends amüsants unvergässlechs neus johr :D ich hoff ehr send all guet grotscht ond hend en schööne obig gha :D
ich hans gha :D also agfange het demmet das mer zom znacht iglade gsi send bi kollege.... mini gascht eltere fiiret scho ziit öber 30 johr jedes johr met enne silväschter... es esch es mega feins znacht gsii ond au rächt amüsant :) nachher esch es diräckt wiiter gange zo de sarah hei... dete hanni denne mat 10 andere mädels gfiiret :D es esch en super tolli stemmig gsi :D ond es esch mega loschtig gsii :D so am 1 oder so semmer denne no id stadt zom dete wiiter fiire ond dank de eliane erere alte ID chommi jetzt öberall ohni problem inne (danke eliane ) ond denne hämmer ebbe wie gseit nochlii ide stadt gfiiret ond jaa ben denne so am halbi 6ii diheime gsii :D ond han ergendwie en neue huet ziit dem obe ;) ergendwer het mer de ufgsetzt ond da ich need gwösst han wem de ghört hanni en eifach methei gno... also fals öbbert en wiise zilinder bruucht chan er sich bi mer mälde ;) 1. januar isch dene wie scho lang vorher gwösst hangovertaag gsii ondneed nomme mer esch es so gange au mini gaschtschwöschtere send alles anderi als fit gsii ;)
3.januar esch es denne met de schuel schoweder losgange... leider... schuel altaag chonnt weder... denkste... genau mentig esch normal gsii ond denne benni chrank worde... genial das hanni bruucht... ben also de rescht vode woche chrank im bett gläge.... jaa ond im momänt gatz mer weder besser... ich hoff eifach das ich bes am sonntig weder topfit ben well mer denne s erschte spiel ide höchere liga hend ond am mentig nach de schuel gangi denne för de rescht vo de woche uf öschterriich go skifahre... genau ehr hend rechtig gläse... SKIFAHRE... need snowborde was mich secher werd kille.... ich han so di bössi vorahnig das ich mer beidi bei werd bräche.... düent för mich bäte das es need so werd sii ;) jaa eigentlech wärs das jetzt schoweder.... ich weiss esch need wörkli en lange ond spannende itrag aber immerhin ;)
ond ich verprech euch das de nechschti länger spannender ond mol weder met beldli werd sii... so chönder alli gseh wie lächerlech ich uf ski usgseh :D
also wönsch euch no es wonderschööns wochenend en schööni woche ond ich werd mi weder mälde :D
liebs grüessli
euchi ria
Keine Kommentare:
Kommentar veröffentlichen