Dänemark :D

Also zerscht mol hoi zäme :D

soo ech weiss gar need wo afange welli scho soo vell erläbt han...

am beschte fangi ganz am afang ah... 

also wie er secher alli wössed het mis abentüür am 31.7. agfange... am morge benni scho rächt früe wach gsi ond han au nömme chönne in rue im bett legge... also benni ufgschtande ond abe go zmorge ässe... no es letschts mol zmorge met minere family... es esch zemli gschröchig gsi well alli mi no a dies ond das händ müesse errennere...

nach em zmorge benni denne aber norno nervöser gsi ond ufgregt was mich ächt alles erwartet... drom hanni mi ergendwie müesse ablänke ond dass bimene letschte jass :D

de jass het mi erstunlecherwiis wörkli beruhigt ond ech ben völlig relaxt an flughafe gfahre... doch denne  hets scho bald gheisse abschied näh vo minere familie... ond ab in richtig gate ufbräche...

dete acho benni weder nervös worde welli d martina nienet gseh han ond mich scho gfroget han öbb ech vellecht falsch gluegt han ond i die falsch rechtig gloffe ben... zom glöck esch si denne nachher au no cho ond mer händ eus gägesiitig chli chönne beruhige...

denn hets gheisse platz näh... ond denne hanni scho s erscht mol zwiifel gha ob dänemark wörkli s rechtige esch.. well alli om mich omme hend dänisch gredet ond ech han fascht keis wort verstande...

aber es het jo kein wägzrogg meh geh also muen mer halt vorwärts luege...

z kopenhagen acho semmer deräckt zo de kofferusgab gloffe womer händ chönne e ewigkeit uf si warte... ond jaa wies halt so esch hämmer denne au no de zuug rechtig odense verpasst... ond da het gheisse 6h ufenthalt z kopenhagen am flughafe...

nach denne 6h ufenthalt ond de öbbe 3h zuugfahre semmer denne öbbe am 11ii in odense im ifüerigscamp acho... dene esch es natürli grad is bett gange well eus e aschträngendi woche beforgschtande esch... well scho am nächschte taag esch losgange alli öbber 50 andere ustuschschüeller kännelehre... ond nomal en taag spöter esch es denne rechtig losgange met wörkshops ond dänisch kurse... 

denne esch scho bald friitig obe gsi... euse letschti obe im ifüerigscamp... natürli hets es chliises fäschtli geh aber gliich send alli weder meh oder weniger früeh go schlofe well samschtig esch de grossi taag gsi... mer händ eusi neue familie känneglehrt... doch da esch need eifach so schnell schnell gange.. sondern mer händ eus zersch müesse vor allne uf dänisch vorstelle... denne hets no paar informatione för d familie geh ond es feins zmettag ond denne hets gheisse allne ciao säge ond met de neue famiilie met is neue dihei fahre...

die fahrt nach jernvel wär e super möglechkeit gsi zom chli meh vo dänemark z gseh aber wie ech so benn benni voll igschlofe ond ha di halbi fahrt verschlofe... 

i mim neue dihei acho hets zerscht mol gheisse kofferuspacke ond s neue huus chli erforsche... doch för da hanni need lang ziit gha well scho gli de erschti bsuech cho esch... ech han scho di erschte verwandte känneglehrt... denne hets no es feins znacht geh ond nachher benni zemmli schnell go schlofe... 

am nöchschte taag benni denne s erscht mol met minere gaschtschwöschter ond erem frönd uf ribe ( d stadt wonni id schuel gange ond handball spelle ) 

nach dem chliine usflug semmer weder hei chli go usruhie ond ich ben ab i mis zemmer go fertig uspacke ond irechte...doch da esch need alles gsi för de taag am obe benni denne met de familie weder uf ribe go e stadtfüerig mache ond glace ässe :D

am nöchschte taag benni denne met minere schwöschter no uf esbjerg (eine vo de 5 gröschte städt in dänemark) go pöschtele ond züüg förd schuel chaufe well scho am nächschte taag esch es ab id schuel gange...

de erschti taag esch echli komisch gsi well mer nomme e komischi informationsveraschtaltiggha hend ond denne hanni müesse mis "akzäntfach" wähle ond de benni id klass cho wommer genau 1h schuel gha hend... ond denne send alli ab id turnhalle go kaffi trenke ässe ond ganz vell schwätze ( uf dänisch) am zwoite taag esch denne rechtig losgange...so wie mers halt au vo dehei her kännt...

ond wonni denne ganz kaputt vo de schuel heicho ben hets grad no gheisse "besch parat för is handball go luege..." ond denne semmer a dem obe weder mol einisch meh uf ribe gfahre... doch in ribe acho esch niermet i mim alter ide halle gsi... nacheme chorze gschpröch met es paar ältere hämmer erfahre dass mer ide falsche halle send... ide andere halle acho sends scho zmetzt im training gsi ond händ norno 45min training gha... da het för mich gheisse mis erschte training duen ech nomme zueluege...

aber denne am donnschtig esch es rrechtig losgannge... mis 1te training in dänemark... ben weder mmol uh nervös gsi...

aber jaa ech hans öbberläbt ond ben scho am nächschte taag zomene mannschaftsässe iglade worde ond am wochenend esch denne au scho trainingswochenend gsi ond so benni denne au rächt schnell id mannschaft inne cho... ab denne hanni voll met trainiert da heisst 3 trainings pro woche ond trainingsmätch oder turnier am wochenend... so hanni gar need vell ziit gha zom fescht heiweh zha...

ond jaa bes jetzt benni efang eis wochenend deheime gsi ond soscht benni emmer unterwegs gsi... ond jaa so esch au de friitig obe emmer verplannt gsi... zerscht esch met em team es ässe gsi denne benni ammene gebortstag gsi ond nomal en friitig spöter annere schuelparty... letscht friitig hanni no met 2 kolleginne vom handball gässe ond de obe verbrocht...

so mol no zode schuel ond de sproch...

also ide schuel esch es okee... aber ech verstoh need allzu vell... wells meischtens rächt schnell redet ond voll diskutieret ond so... ond da esch no schwer zom vell verstoh... aber ech verstoh vo woche zo woche meh ond dänke dass da scho guet chonnt :D

jaa ech glaub da wärs mol gsi...

chonnt secher mol weder was neus...

grüessli us dänemark

ria