no more time.....

und weder emol mäld ich mich :) sodelii also am Pfingschtmentig hämmer bsuech becho.... also ich eig. need sondern mini gaaschteltere.... esch naja spannend gsii :P aber da ghörrt jo au dezue ;) am nechschte taag benni denne zersch mol in zuug igschtege und öbber 1 h in Dk omegfahre... ben en fröndin in middelfahrt go bsueche.... haha da esch amüsant gsii :) sie wonnt so imene wunderschööne huus diräckt am meer.... also eig. amene fjord... aber gliich wunderschöön.... und jaa mer send denne natürli au goge bade... esch scheisse chalt gsii aber au toll ergendwie :) denne no gmüetlech met erere gaschtfamilie znacht ässe... esch no loschtig gsii.... de kollegin eri gaschtmuetter esch es johr ide schwiz gsii und si kennt wettige :D und ergendwenn z obe semmer denne use goge euses bett zrächt mache.... mer hend nämmli dosse gschlofe :D esch toll gsii aber ergendwie hanni mega scheisse gschlofe.... wells chalt gsii esch hanni mega halsweh becho ond daromm need chönne ischlofe und wonni mi endli ad schmerze gwönnt ha esch es au schoweder hell worde... ;) aber esch gliich toll gsii :) am nechschte taag benni ergendwenn gäge obig weder hei cho.... jaa ond was soscht so passiert esch... mhmm also am donnschtig nüüt.,... amol am donnschtig nüüt wonni mi mag dra errennere ;) aber am friitig denne om so meh ;) also es esch losgange met putze.... dönnt secher toll.. esch es au gsii :P nei need wörkli aber au da muen sii... uf jede fall esch es denne wiiter gange met vorbereite för d gescht wonni iglade han....denne am nomittag hanni no chorz ziit gfunde zum met minere gliebte familie z telefoniere bevor am halbi 6ii die erschte frönde cho send :) met denne hanni denne znacht gässe chlii d umgäbig zeiget und mich parat gmacht för de rescht wo chonnt :) am halbi 9nii send denne alli andere cho ond mer hend gfiiret und gfäschtet unds loschtig gha :D so am halbii 1 semmer denne wiiter id stadt und hend dete wiiter gfiiret :D haha esch super gsii... aber ben weder erscht bi tagesliecht heicho.... naja gets.. :P am nechschte taag benni mol weder gschtorbe well mer schlächt gsii esch und alles und ich nomme ergendwie 3h gschlofe han.... aber egal... han jo am samschtig chönne entspanne und nüüt mache.... am sunntig hets denne nach öbber enere woche weder gheisse handball :D also rasehandball aber gliich..... es esch sowas wie kantonsmeischterschaft gsii und jaa mer hend gonne.... somet chömmer jetzt ad landesmeischterschaft aber da die erscht im auguscht esch channi leider need met go.... najaa pech gha ;) am mentig escch denne schoweder fäschte agseit gsii... und zwar well d emma mini gaschtsis fertig worde esch met de schuel..... und da esch do es riise züüg... zerscht gaht mer si ide schuel go abhole und tuet dete röseli schänke und champagner trinke und so und sie bechonnt e so en tolli semannsmütze ufgsetzt und nachher gahts hei und z obe chömmed ganz vell frönde und verwandti und so und es get es riisigs fäscht und en riisige huufe gschänkli.... (und das nomme well si fertig met de schuel esch... chrank wenn er mich froged) uf jede fall hämmer denne dete au de ganz taag bsuech gha.... und ich han zom erschhte mol i mim läbe ølbowling gschpellt :D eiii das esch toll :D mueni umbidengt mal weder mache :D am ziischtig semmer denne ergendwenn mol no uf ribe gfahre well mer eusi ganze schuelbüecher hend müesse zrugg geh.... eii send da vell gsii ;) und denne semmer no chlii go pöschtele... und jaa ziit denne hanni eig. nömm vell gmacht... aber au da esch schöön :D also bes i paar tääg :D han euch alli mega fescht liäb <3 bes denne grüessli ria

the end is so near

hallölle mini liebe frönde verwante bekannte oder wer das soscht no alles lest ;)
es esch schoweder en wuche her siit ich s letscht mol öbbis posted han... aber z verzelle gets need wörkli vell... egal verzelli wie mis läbe kein senn meh geht ;)
also aber ich fange mol weder vore a ;) also es esch mäntig morge und ich han sommerferie....was macht mer denne? eig. sötti das kei frog sii ich mein wwas söll mer andersch mache als schlofe? ich weiss es... mer staht mega früeh uf und macht sech uf de wäg nach ribe well mini liebe handballkamarädli gfunde hend si wennd lieber am morge trainiere anstatt am obe.... YAY -.- am mentig morge früh omeseckle und so tue als ob mer fit esch ääääähhhh eifach tödlech....ond well ich jo so im nüüt osse wonne dörfi forher und nachher au no en viertel stund velo fahre... jaaa das bruuchi emmer am mentig morge..... nachher benni hei und ben totmüed chlii go tv luege ;) am ziischtig hanni schöön chönne usschlofe und mich geischtig ud de match vorbereite....(hanni natürli need gmacht aber es dönnt so toll :P)z obe hämmer denne match gha s röckspiel gäge die dame..... haha und was sölli säge mer send ohni goali det hii und hend denne müesse go en goali sueche.... dönnt jetzt chlii komisch esch aber so.... zum glöck hend die andere öbbert kennt wo dete is handballinternat gaht und het dete chönne go helf sueche... hend denne en goali becho obwohl si eig. need goali esch..... het denne es spannends spiel geh und mer send uf gliicher augehöchi gsii... leider hämmer denne met 1 goal verlohre :( aber esch jo nor es trainings spiel gsii ;) a dem obe benni aber gliich gschtorbe.... zersch 60min dorreseckle... als flögel iuuu ich spell eidütig need gern flögel.... nix för mich ;) und nachher no met enere riise tomate im bei weder met em velo heifahre.... jupiyay... ah die tomate het sech zumene riisige gruusige blaue fläck entwecklet.... han ehn emmerno :S get aber schlemmers ;) am nechschte taag hets weder früeh agfange met handball... jaaa schoweder need usschlofe und go omeseckle..... aber ergendwie tuet eim das jo gliich au guet ;) amol mim buch und mim arsch.,.. soscht wördet die no meh wachse ;) z obe esch denne min senn vom läbe zerbroche :P oder so was ;) si hend mini geliebti internetsiite gschperrt... R.I.P kino.to zum glöck hanni en anderi siite gfunde soscht wössti jo need was ich met minere ganze freie ziit söll afange ;) am donnschtig obe esch es denne i ergend sones dörflii ide nöchi vo eus gange zum weder mol öbber eusi gfühl rede und wies eus so gaht und alles.... de teil esch chlii öbberflössig gsii aber nachher hets kafe un kuchen geh :D jaa wie fein :D esch mega loschtig gsii met all denne crazy YFU lüüt :D am friitig hanni eig. need vell gmacht... mich chlii relaxt und entspannt ;)am samschtig benni denne zersch go es geburtstagsgschänkli för d kollegin go poschte nachher mich denne mol parat gmacht zum geburtstag fiire ...denne hämmer eus uf de wäg gmacht zu minere gaschttante wommer zersch no zum znacht iglade gsii send befor s denne gheisse het PARTY :D esch unglaublech wie vell ich drunke han ohni öbbis z zahle ;) und esch unglaublech wie scheisse s mer höt gaht ;) aber ben jo sälberschold ;) und esch krass das wonni am viertel vor 5ii hei ben esch schoweder taghell gsi esch es komischs gfühl wennd vom usgang hei chonnsch unds eifach hell esch.... ond höt mhmm was hanni höt no so gmacht? ich ben gschtorbe... ben so nöch am mich öbbergeh gsii aber ich glaub meer gönnd need wiiter druuf i :P uf jede fall hanni en halbi ewigkeit bruucht bessi mis stock brot gässe han.... aber nachher esch vell besser gange ;) ond soscht hanni do min tole blogg gschrebe und chlii handball glueget und fuessball und chlii fotibuech gmacht und so züüg halt ;)
soo ond das wärs jetzt glaubs gsii... wönsch eu no en schönnne sunntig ond en schöne pfingschtmäntig und denne vell spass bim schaffe und ide schuel am ziischtig :P ah jo ond es send norno 23 tääg besi weder schwiitzer bode unter mine füess han :D
also ich verabschied mich mol weder bes bald mol :)
han auch alli liäb
 jeg elsker jer <3
kram og knus
ria

Dänemarks rundreis :D

Heii zäme :D
was so ziit am ziischtig vor enere woche passiert esch werd ich euch jetzt verzelle :D
also a dem ziischtig hämmer z obe no trainings spiel gha und zwar gäge es dameteam wo letscht saison eusi dame 2 mol gschlage het und au vo de ranglischte her besser gsi send... het gheisse mer send need met grosse siegeshoffnige i de match ine... aber welch wunder mer hend am schloss met 2 goal gonne :D esch toll gsii :D am nechschte taag hets denne gheisse früeh ufstah und no es letschts mol ab id schuel und zwar zum mini englischprüefig schriibe.... und jaaa was sölli säge.... ich han si voll versaut.... ergendwie esch es mega scheisse gange... zum glöck zellts need.... ;) und jetzt hanni wörkli sommerferie :D fendi e tolli sach ;) donnschtig und friitig hanni denne no rächt vell a mim fotibuech gschaffed befor ich friitig obe denne uf skanderborg as YFU träffe gfahre ben... und scho uf de fahrt esch eus es chliises messgscheck passiert.... mer send so in zug igschtege wo nach skanderborg fahrt und well mer z fuul gsi send ganz före z laufe wo eig. eusi plätz gsi währed semmer eifach hende igschtege... denne hämmer eus dete so zo 2 däne anegsätzt und chlii met denne gschwätzt... plötzli waas er wennd uf skanderborg? denne müssted er vore setzt well de henderi teil fahrt nach fyn.... SCHEISSE oder.... mer ränned us em zuug use und gsänd de vorderi teil wegfahre... ohni eus... :( aber send gliich heil acho.,.. met enere halb stund verspötig aber egal ;) nachher hämmer es mega loschtigs und amüsants wochenend gha.... mer hend minere meinig nah z oft öbber s gliiche gschwätzt aber egal.... am samschtig obe hend denne die wo hend welle chönne go championsleague luege :D ich ben natürli debii gsii :D esch amüsant gsii well d hälfti för barca und die ander hälfti för ManU gsi esch.... :D Sunntig morge hets denne gheisse abschied näh vo denne wo need met ufd dänemarksrundreis send.... und denne esch es ab in bus gange und rechtig norde.... und zwar nach skagen... dete träffed nordsee und ostsee zäme... det obe hämmer denne au gschlofe und am nechschte taag semmer dete au no chlii ide stadt gsii, bevor mer d wanderdüne und en chele send go aluege.... nachher semmer weder abe in süde gfahre. dete semmer en kalkmine go aluege und so krassi klippe und stränd.... am obe ide jugi hämmer denne chönne go bade... ich han leider mis bikini need debii gha... aber das haltet eim jo no lang need vom bade ab ;) ben eifach met emene laange t-shirt und unterwösch gange :D esch voll amüsant gsii und alles :D bliibt uf jede fall in gueter errrenerig ;) am nechschte taag semmer denne de 4. höchschti punkt vo dänemark go aluege.... uuuuuu 4. höchscht... esch nomme ergend 148meter öber meer.... ;) mer hend denne so en schööni bootsfahrt zum "berg" gmacht und send nachher dete ufe "gwanderet" ich fend jo das esch en spaziergang vo 20min gsii aber jedem das seine ;) z obe hämmer imene wunderschööne gmüetlech wanderheim gwonnt :D esch wörkli toll gsii... alles so chliini hüüttli und so... :D am nechschte taag semmer denne uf ribe gfahre... das han ich need so spannend gfonde welli jo vo dete chomme ;) aber dank de andere esch es gliich unterhaltsam gsii :D nachher semmer denne rechtig südweschte gfahre und hend en krassi möhli aglueget... dete hend ergendwie d däne gäge die dütsche mol kämpft und verlohre oder so... ;) dete hämmer denne alli es feins glace spendiert becho, was mer denne i dem schönne summerwetter hend chönne gnüüse :D denne esch es idi nechscht jugi gange, dete hets en ganz tole spelpplatz gha :D hahaha esch wörkli toll gsii :D es het denne z obe au no es lagerfüühr geh und esch eifach total relaxti atmosphäre gsii :D nach enere für einigi need so langer nacht esch es denne wiiter gange inen wösseschaftspark.... esch need so nerdy gsii wies dönnt ;) mer send go sagway fahre :D das esch toll gsii ond de wo eus zeiget het wies goht esch en verdammte schoss gsii eiii esch de höbsch gsiii :D uuuuhhhh :D aber soscht hämmer i dem park need vell gmacht mer hend eus chlii relaxed und send chlii im grass ome glägge :D esch au schöön gsii :D nach dem semmer denne nach fredericia gfahre wo mer no zäme znacht gässe hend befor mer eus denne weder uf de wäg hei gmacht hend..... am nechschte taag also höt benni denne scho frueh (för ferie verhältnis) ufgschtande und ben met de signe uf esbjerg :D zersch semmer chlii go lädele, woni mer es neus sommerchleidli kauft han und nachher semmer no is kino go fluch der karibik 4 go luege :D esch toll gsi und mega amüsant und luschtig :D z obe hanni denne no am federer bim gönne zuegluget und han met de familie griliieret bevor ich denne z obe 1 1/2 h met diheime telefoniert han :D
zum schloss welli nomal denne 2 geburtstags chend vo höt gratuliere :D happy birthday jenny und andrea han euch mega fescht gern <3
so das wärs weder gsii... ich mäld mi bald weder und verzelle vo de letschte 4 wuche do in Dk....
ganz liebi grüess euchi ria
<3