christmas time :D

and now this is christmas
soo mini liebe jetzt verzelli chli vo mine wiehnachte..... wie scho im letschte post gschrebe hämmer wiehnachtsässe met de klass gha ond au en chliini wiehnachtsfiir met de schuel.....
soo jetzt aber zo de eig. wiehnachtsfiir :D also agfange hets am 24. am morge.... zerscht zäme zmorge ässe denne ergendwenn mol afange guetzli bache.... ond de chrischtbaum schmöcke.... was do mega schnell gmacht esch.... ond de tannebaum gseht vell schlichter ond ich fend langwiiliger us.... aber egal... mer muens jo need gfalle ;) denne händ alli chli gholfe choche hend sech no chli schöön agleit ond denne esch au scho d grossmueter cho... denne het mer zersch kaffi tronke ond guetzli gässe... nachher hend mini gaschteltere fertig koched ond mer hend julekalender glueget.... esch no recht amüsant wells halb englisch ond halb dänisch redet :D denne het mer scho weder gässe..... ond zwar rechtig... so rechtig vell ond weder mol härdöpfel.... ;) aber esch mega fein gsii :D dessert hets ganz traditionel risalamand (spezielle melchriis) geh.... ond es het i einere portion en mandle geh wie bi eus im 3-königschueche ond de wo d mandle im täller het bechonnt traditionel es marzipan säuli... bi eus hets es spieli geh :) nachher hämmer no pakkelejer gschpellt... es wörfelspieli wo chasch päckli gönne..... ond denne nach chlii schwätze esch es denne losgange met tanze..... aber han mer das ergendwie chlii andersch vorgschtellt... han dänkt mer fangt so rechtig ah mega komisch ond weld om de baum omme tanze ond gompe ond so aber eigantlech lauft mer nomme rondome...... nach es paar wiehnachtslieder esch es denne so wiit gsii.... es esch as gschänkli uspacke gange.....ond au das esch weder chlii andersch als bi eus.... do werd emmer schön de reihe noche eis gschänk mach ehm andere uspackt ond alli lueged enand zue bim uspacke.... jaa da fendi no en schööni tradition :D aber es het sooooo vell gschänkli onderem baum gha... ich han gmeint ich gseh need guet..... ond ich han au wenni geburtstag ond wiehnachte zämme zelle nonie sooo vell gschänkli becho....... mega krass..... aber es esch es mega schöns gfüül wenn mer gseht wer alles so a eim dänkt au wenn mer paar kilometere eweg esch..... :D  ond zmetzt im gschänkli uspacke het denne auu no s telefon glüütet ond mini gaschtmom het abgno ond wonni eres verwerrte gsecht gseh han hanni gwösst es muen mini family sii :D nacheme lange telefonat ond chorze gschpröch met fascht jedem einzelne esch es wiiter gange met uspacke.....nach em gschänkli uspacke hämmer denne no es spieli gschpellt ond denne semmer scho bald go schlofe.... am 25. hämmer denne schöön lang gschlofe... ond eus en gmüetleche nomittag gmacht..... zum znacht semmer denne bi de nochbere iglade gsii... weder mega vell ond feins ässe... ond nachher send mini gaschtschwöschtere ond ich no ah en wiehnachtsball gange... dete hanni denne ganz ganz ganz vell frönnde vo mine schwöschtere känneglert..... esch rächt amüsant gsii :D 26. schöön lang schlofe agseit gsii.... ond denne uf di 1 zode verwandte go zmettag ässe...... obwohl chasch eig. need zmettag säge... mer hend so am 2 agfange ond hend denne emmer weder gässe bes am 5ii oder soo... mega krass minere meinig noche...... aber jaa macht mer do halt so...... ond zwöschet de verschedene gäng semmer denne emmer ergend singstar oder wii danse go spelle oder so züüg..... ond natürli hämmer weder pakkelejer gschpellt wie bi jedere wiehnachtsfiir ;) de ganzi spass esch öbbe bes am 7nii gange... nachher semmer weder hei ond hend eus en gmüetleche obig gmacht...... tja ond wonni denne so am halbi 1 gfonde han ich sött jetzt doch au mol go schlofe het min chopf was degäge gha..... ergendwie hanni eifach need chönne ischlofe..... ond welli nüüt bessers z tue gha han benni chlii go spaziere.... daa ich min ipod aber need debii gha han esch es rächt langwiilig gsii ond drom hanni nach 5min weder chert gmacht ond ben weder hei glofe..... aber anschtat i mis warme bett z chrüüche benni chlii in garte oond han schnee engel gmacht ond züüg in schnee gschrebe ond ben eifach chlii im schnee gläge ond han d sterne aglueget..... esch no rächt gemütlech gsii aber met de ziit bechonnt mer echli en chalte ond nasse arsch ;) also benni weder inne gange ond i mis zemmer gschleche..... denne welli so en dollpatsch ben hanni mis natel gheie loh ond han secher 15min gha bessis weder zämegsetzt han.... -.- nachene hanni dänkt jetzt sötti wörkli chönne schlofe.... denkst de...... natürli esch nüüt gsi ond darom hanni jetzt de blogg gschrebe ond huusufgabe gschrebe.... wie chrank... aber wenn mer nüüt bessers z tue het macht mer halt au komischi sache ;)
soo ond zom schloss:

HERZLICHE DANK FÖR DI GANZE WONDERBARE GSCHÄNKLI OND CHARTE WON EHR MER GSCHECKT OND GSCHÄNKT HEND!!!!! HAN MI RIIIIIISIIIG GFREUT :D

also das wärs mol weder gsii :D meld mi denne nach neujohr weder ond verzell euch vo minere super neujohrsparty ;)
liebs wiehnachtsgrüessli ond allne en super tolle rotsch is neue johr :D
grüessli ria

bonjour mesdames et messieurs

soo ich mäld mi au weder mole :D
also was esch so ide letschte 1 1/2 woche passiert.... so guet wie nüüt....
es esch handball em cho ond ich han schön fliessig schpieli glueget... am wochenend hani eig. nüüt gmacht ossert mich psychisch uf euses letschte spiel vorzbereite wos denne eifach forfait geh hend well d eltere s agschesse het zo eus z fahre... hanni rächt denäbed gfonde... mäntig benni denne weder wie gewohnt id schuel ond nach de schuel diräkt wiiter uf herning go handball luege... live... met 11000 andere lüüt zäme imene riise stadion.... esch sooooo en hammer stemmig gsii ond es hammer erläbnis wonni secher need so schnell werd vergässe.... :D
deför benni denne aber am ziischtig mega kaputt gsii... mer send erscht nach de 12e heicho ond han denne need chönne schlofe... han schlossändli öbbe 4-5h gschlofe....aber jaa han au de ziischtig öberläbbt ond s training am obe au :D
mettwoch esch mol weder en gmüetleche obig agschtande :D ond donnschtig nacheme normale schueltaag hämmer denne no trainingsspiel gha.... ich säg jetzt need was mer gmacht hend.... (nicht guut)... ond ben au denne erscht weder am halbii 12i heicho... friitig weder schuel wie gewohnt ond jaa denne esch schoweder wochenend gsii...
samschtig benni denne met mine gaschteltere di letschte wiehnachtsgschänkli go poschte ond soscht hanni no handball em gluegt... s ganze wochenend ;) ond han es amüsants telefonat met mine liebe cousine ond cousin gha :D
soo ond denne send scho di letschte 3 tääg schuel cho... ond leider gottes hämmer i denne 3 tääg nor dütsch ond HLK oder so was.... wie unspannend....
mäntig obe esch weder molo training gsi ond ich ben gschtorbe.... aber so rechtig.... s training esch eig. gar need mol so hert gsii aber ergendwie esch es mer beschesse gange ond ich ben nach denne 1 1/2 h training so tot gsi wie scho lang nömme...
am ziischtig hannis den ändli au no fertig brocht zom gschänkli uf d poscht z brenge.... esch no krass das s päckli verschecke tüürer esch al de inhalt..... aber jaa egal... am obe hämmer denne met de klass no "julefrokost" gha.... das esch gemütlechs zämesetzte ond ässe schwätze ond trenke... unglöcklecherwiis hanni chlii vell tronke ond debii need dra denkt dassi am nechschte morge weder am 7nii muen ufstoh.... aber jaa hans öberläbt obwohli en rächte kater gha han.... ;) müend jetzt aber need ergendwas schlächts vo mer dänke.... esch einmaligi sach gsii.. also s trenke onder de woche.... ond das esch do so tradition..... ond es esch mega loschtig gsi ond jaa :D
ahhhh ond ich han fascht en neue rekord ufgschtellt im d spat cho.... 10min esch es damol gsii... chonnt aber nonig a die viertelstond ahne vo letscht johr gäll miri ;)
also das wärsmol weder wönsch euch allne ganz schöni wiehnachte ond tolli feschttäg ond ich mäld mi denne zwösched wiehnacht neujohr weder :D
liebi wiehnachtsgrüessli
euchi ria

sorry han vergässe z veröffentliche ;)

pics vo "stor heimdal"

also do hets jetzt no paar beldli vom stor heimdal wenns öbbert intressiert ;)

Imarsch vo de 3 klässler

am lancier tanze

nomal imarsch....

mini klass....amol die wo dete gsii send

sarah ond ich

guete taag mini liebe

guete taag :D
weder send 1 1/2 woche verbii siit mim letschte post tuet mer leid han rächt vell omd ohre gha wie ehr grad chönnd läse :D
also agfange hets letscht woche weder mol met schuel wie jedi woche ;) need sehr spannend aber alltag ;)
ziischtig hettemer denne eig. us esbjerg is spital welle met emm bio esch aber denne doch abgseit worde....darom hämmer au am ziischtig normal schuel gha... z obe hämmer denne no match gha ond wie hettis au andersch chönne siii gonne :P
mettwoch weder so früeh ufstah hetti mich denne fascht ombracht aber wie er gsänd läbi no ;)
donnschtig au normal schuel ond denne de ganzi obig ziit zom wiehnachtsgschänkli ipacke ond fertig mache...hanni öbrigens di ganzi woche nach de schuel amigs gmacht :)
friitig weder normal schuel ossert dass mer en stond früener usgha hend ond mer z obe stor heimdal gha hend.... euse schuelball :D esch super amüsant gsii... amol teilwiis ;)..... die fähige lüüt vo minere schuel hend mich falsch platziert.... ben zerscht zwösched allne 3gler gsii(abschlossklasse) denne zwösched de 1gler ond erscht ganz am schloss bi denne vo de 2te...(ben au ide 2te :P) aber nacher benni denne no go lancer ( traditionelle tanz) go tanze.....(han en erscht 2mol tanzt han also kei ahnig gha wie das gaht) aber hans gschafft ond das sogar met 100cm absätzt :D er chönnd jetzt alli stolz uf mich sii :D wo denne am halbii 1 fertig gsii esch hämmer welle go jagge holle ond dommerwiis esch mini verschwonde gsii.... ergend es arschloch het si klaut ond ich stohhne dete bi öbbe -10 grad ohni jagge wie genial.... zom glöck hett eus denne eine vo denne sekuritas type id stadt gfahre.... wäri eidütig gschtorbe wenni hetti müesse laufe..... nacheme soscht tolle obig benni denne so am halbii 5ii heii cho... blöderwiis esch mini familie scho am viertel vor 8ii insgesammt hanni öbbe 2h gschlofe :S ond a dem taag hanni denne no match gha..... aber wie jedes mol wenni mich völlig scheisse fühl spelli need schlächt :D nachher semmer denne die ganzi familie zäme an schtrand gange... aber lang semmer need blebbe esch so chalt gsii ond het gwendet wie nüüt..... nachher semmer no was zmettag go ässe denne heigfahre ond denne esch scho fascht znachtässeziit gsii... also weder ässe :D
nacher send alli mega müed gsii ond send denne nömme lang ufblebbe.... am sonntig semmer denne zerscht in ribe ond nachher in esbjerg go shoppe ond am obe hämmer denne no es feins raclette gässe :D
vom sonntig uf de mäntig hanni denne bi minere familie ide jugi gschlofe ond mer händ denne am mentig morge chlii ferieplanig ond sight-seeing gmacht :D
ziischti esch es denne weder ab id schuel gange ond z obe weder mol en match go spelle :D mer hend 29:17 gonne :D

Mini gascht sis ond ich vor stor heimdal

Bildunterschrift hinzufügen

jenny am strand

het chlii fescht gwendet :D

hahaha chlii es chröbbel fötelii :D

esbjerg met papi :D

my family uf em chelletorm in ribe

ond nomal aber damol met mer :D

sooo ond höt hanni weder schuel gha aber zom glöck hanni 2zwöscheschtonde gha wonni ziit gha han zom de blogg schriibe :D

guguuseliiii :D

heiii zäme :D
soo han mi andersch entschede... han grad nüüt z tue ond darom gets jetzt halt schoweder en post :D
also was esch die woche so alles passiert.....
also mäntig het super agfange :D mer hend frei gha :D wie genial :D hanni mi grad chlii vom weekend chönne erhole :D z obe hanni denne ganz normal training gha ond mer händ d amäldige förs oschterturnier becho :D
ziischtig hets denne weder gheisse schuel... aber si send gnädig met mer gsii ond ich han erscht am 8ii usem huus müesse :D z obe semmer denne no mini gaschttante go bsueche well si geburtstaag gha het
mettwoch hämmer denne vo de schuel es handball turnier gha :D das heisst weder kei schuel :D ond jaa mer hend need wörkli gresse aber es esch loschtig gsii ond da esch jo d hauptsach :D z obe hanni denne weder mol met diheime telefoniert :D macht emmer wedcr freud :D
donnschtig esch denne schuel agseit gsii... ond dete hämmer denne 2 zwöscheschtonde gha ond s einzige was die do ode freistonde mached esch ufzgii... so langwiilig... ich han alles wonni han müesse mache scho am mentig gmacht also benni eifach dete gsässe ond han mich glangwiilet... z obe esch es denne wder is training gange... freud :D
friitig, wie schöön, hanni erscht am 10nii schuel gha :D esch so rechtig schöön chlii länger z schlofe :D friitig obe hämmer denne so en schöne familie obig gmacht met felm luege ond ganz vell ungsonds ässe.... ( benni grad froh gsii hanni nüüt z mettag gässe)
hüt am morge benni denne no en halbi stond go jogge ond han gholfe potze.... chlii paschtlet ond felm glueget... ond höt obe fiiret mini gaschttante no geburtstaag bii eus im sääli... ond da werdi warsciendlech chlii ide chochi hälfe... han jo nüüt anders z tue.....
soooo da wär mini super spannendi woche gsii :P
ich hoff bi euch esches au so super intressant gsii....
schmatzer <3

salutii

guete taag
weder esch en woche omme ond ich mäld mi mol weder :D
jaa was gets so z verzelle... also ich fang am beschte weder mol am mentig ah
also mentig morge esch wie emmer de schlemmschti gsii...
soo früeh ufstah nachdem mer fascht nüüt gschlofe het... da esch genial... denne de ganzi taag schuel ond diräkt nachher no zom zahnarzt... ond was machi dete? nüüt... si hend mer genau gseit dass mini zäh sehr schön send ond au guet gschtellt send ond suuber ond so züüg... ond för daas benni zom zahnarzt... z obe denne es scheisse herts training met riisig vell chraft ond sprents ond so ond das well mer "nomme" met 7 goal gonne hend am sonntig... wie onnötig.... ziischtig weder schuel schuel schuel... ond au am mettwoch esch schuel agseit gsii.... im torne hemmer denne "langsche" danzt... en danz wommer a stor heimdal jedi volli sond tanzed... ond alli chönnd de tanz no vo letscht johr ossert ich... han so kei ahnig ond mach ergend ehn scheiss.... nach de schuel benni denne met minere family uf kolding go shoppe :D
han denne chlii wiehnachtsichauf gmacht ond eifach de obig gnosse...
donnschig weder mol schuel... ond nachher benni go poschte dammet ich am friitig han chönne schoggistängeli ond schoggi muffins mache :D nach em poschte benni denne ändli mol weder zom coiffeur gange...  ond han en neue hoorschnett becho...  si send chorz so chorz dassi need mol alli in en rossschwanz chan zäme neh...aber gseht super us fendi :D...  pönktlech zom fötelitermin vom handball :D

da gseht mer mol no mini neui frisur.... hende sends no chlii chorzer

friitig hetti eig. 2h schuel gha aber well min schuelwäg fascht länger gange wär als d schuelziit het mini gaschtmom gfonde ich muess need go... so hanni de ganzii taag ziit gha för mich ;D han denne chlii bached( d schoggimuffins send bizzeli lang im offe gsii aber gliich geniesbar :D) ond han agfange wiehnachtsgschänkli baschtle ond natürli mis züüg förs weekend packe
denne esch es losgange ich ben losgfahre uf skanderborg wo mer weder mol es YFU weekend gha hend... ond wonni denne in 2te zuug omgschtege ben send fascht alli dete gsii.... de zuug esch vollgschtopft gsii ond zwar met YFUler am friitig obe hämmer denne "geburtstag" gfiiret... dass heisst alli wo bes jetzt geburtstaag gha hend hend nomal chönne fiire ond soscht hämmer no en felm glueget.... samschtig hämmer denne met workshops agfange esch need so spannend gsii wells halt emmer weder s gliiche esch.... aber well d lüüt voll zwäg send esch au da amüsant gsii.... z obe hämmer denne wiehnachte gfiiret ond es paar send nachher no go völkerball ond fuessball spelle ich ben natürli au gange... am sonntig hämmer so guet wie nüüt meh gmacht ossert ufruhme ond schwätze aber ghört halt au dezue.... dihei acho hanni denne grad mol agfange min blogg schriibe ond denne wiiter wiehnachtsgschänkli baschtle ond denne no de blogg fertig gschrebe....
sooo dass esch mini woche gsii... nechscht woche werd so rechtig 0815 also werdi mi warschiendlech erscht i 2 woche weder mälde....
ganz liebs grüessli ria

am YFU weekend

2 super tolli mänsche :D

kaya ond ich

godt dag :D

ond da mäldi mi weder mole :D
also was esch so glofe bi mer...
es het agfange met schuel... wie jede mentig... nachher echli es öbberflössigs training (aber emmerhin chli bewegt) ond denne hei go tv luege ond fb :D
ziischtig esch au rächt normal gsii ben wie de delia versproche schöön brav id schuel gange... ;)
z obe hanni denne nüüt z tue gha well s training usgfalle esch ond darom hanni eifach so mol well mer langwiilig gsii esch öbbe 1 1/2 h dänisch glert...
mettwoch weder schuel am obe hanni denne no gholfe choche ond benn denne nachher rächt früeh is bett gange...
donnschtig weder schuel...(zom glöck hanni chönne met minere gaschtschwöschter met em auto go... es esch mega scheiss wätter gsii...) ond nach mine obligatorische stonde hanni en zwöscheschtond gha befor denne s handball training vo de schuel losgange esch... s handball training het zwar absolut nüüt brocht esch aber loschtig gsii :D nachher uf em wäg zom bahnhof hets gscheffet ond gwendet wie nüüt... es het mi amigs eifach us d siite gwendet ond ich han nüüt chönne degäge mache... ben aber heil am bahnhof acho ond au hei cho... :D
friitig morge hets wörkli so fescht gscheffet dass mer hetti chönne meine si leered chöbbel uf... aber zom glöck het eus euse gaschtvater an bahnhof gfahre... aber nor scho de wäg vom bahnhof zode schuel het glanget zom eus dorchnässe... ond zom glöck esch eusi schuel so onglaublech fescht gheizt dass mer grad weder troche werd ond need de ganzi taag muen frühre....*NICHT* ben also di erschte 2 stonde fascht gschtorbe... aber ebbe nomme fascht :D
ond denne esch gott sei dank friitig obe gsii ond ich han mich uf es stressigs weekend chönne freue...
aber friitig obe esch jo nonig nacht.... han no müesse zemmer ufruhme well mer jo am samschtig bsuech becho hend ond han gholfe s ganze huus potze ond alles vorbereite ond denne hanni no dänisch glert ond gholfe znacht choche.... wie er gsänd esch friitig obe doch need so entspannend gsi wie er hetti sölle si.... :( but i'm still alive... :D
soo de samschtig.... jaa am morge hämmer denne alles parat gmacht för die öbbe 40 gescht wo cho send....
ond denne send alli do gsi... ond jaa esch chlii aschtrengend gsii well alli gredet hend ond es esch es riise dorrenand gsi ond so hanni mi grad doppled müesse konzentriere zom enere konversation meh oder weniger chönne z folge... so esch es halt need so spannend gsi aber gliich es erläbnis... :D
so ond nachdem alli weder gange send hetts gheisse ufrume... esch zom glöck need so lang gange ond ich han no schöön ziit gha zom chlii relaxe :D
sonntig hets denne gheisse schöön usschlafe... :D ond denne ufzgi mache... juhui -.- aber au da muen ab ond zue mol gmacht werde... nach mim blöde englisch essay hanni denne mich scho bald müesse parat mache för de match... jaa was sölli zom match säge...? also mer hend ide erschte 20 min 9:0 gführt ond denne hemmer agfange wächsle ond send föllig zämebroche... söll heisse mer send met öbbe 7 oder 8 goal id pause... nach de pause hämmer weder guet agfange ond send schnell weder met 2 goal fohre gsi bes... wer fendets use? natürli bes mer weder gwächslet hend... am schloss sends no 7 goal gsii ond alli send nachher ide garderobe voll enttüscht gsi ond händ agfange ommezicke... hans need chönne verstoh... ich meine mer händ gliich met 7 goal gonne.... aber da esch ebbe wenn mer sech a sieg met öbber 15 goal differenz gwönnt...
mol luege wie s training morn ond de match am ziischtig usechömmed... we will see...
soo da wär die woche gsii... meld mi nechscht woche weder... denne getz chlii spannenders züügs zom läse... :P
ganz liebs dänischs grüessli
ria

NEWS :D

Hallölle :D
so da send weder mol es paar news vo mim läbe do in dänemark :D
jaa eig. gets need vell z säge... han schuel ond schuel ond nomeh schuel gha...
ond han müesse dokumänt schriibe ond abgeh ond au no prüefige ond näbedbii hanni natürli au no handball gha...aber ich han alles gschaft ond mich uf es super entschpannends weekend chönne freue... oder soo... ond ich ben rechtig stolz uf mich :D han es 7nii ide mathiprob gha :D da esch öbbe en 4-5er aber mer muen beröcksechtige dass d prüefig uf dänisch gsi esch ond ich amigs han müesse rote was si genau vo mer wott :D also esch dasss voll genial vo mer :D
friitig obe hanni schön ziit gha zom mol chli früener is bett z go :D aber samschtig esch schoweder fertig entspanne gsi... han weder müessse förd schuel schaffe ond mis zemmer wo usgseh het wie en schweinestall ufruhme... ond z obe benni no ah en felmnacht vo YFU gange... esch voll loschtig gsi ond so aber natürli hanni need wörkli vell gschlofe... ond am sonntig hanni da denne leider au need chönne nochehole well d kollegin no de ganzi taag bi mer gsi esch

mhm super feins glacé gsii met streusel :D

kollegin am waffle met glacé ässe

ond z obe hanni no met denne diheime gschwätzt ond denne esch au scho weder 11 oder so gsii ond nächschte taag weder am 6ii ufstah... -.-
hanni aber au öberläbt :D ond welli am mäntig weder bes spot id nacht telefoniert ond chattet han benni am ziischtig so totmüed gsii dassi en namittaags schlof gmacht han.. esch göttlech gsi :D




mettwoch hanni denne mol en taag frei gha :D wie genial :D de hanni schön chönne usschlofe ond am nomittag met minere gaschtschwöschter go schueh poschte :D
donnschtig esch denne weder schuel gsii... ond z obe hanni mol weder match gha... tja ond wie chönnts andersch sii... mer händ weder mol hochhuus gonne... 36:15... esch langsam wörkli nömme amüsant...
friitig weder normal schuel ond ah jo esch mer no was ganz peinlechs ond dämlechs passiert.... hahaha ich han so öbbers internet e 2 mönet zuugcharte kauft ond denne hends mer da züüg au gscheckt ond ich doch need wiiter öberleit sondern eifach sones blöds chärtli in schuelsck gschmesse... jaa esch aber falsch gsii... ond wies need andersch chönnti sii hends kontrolliert ond ich han en fetti buess becho... -.- super genial...ond de blödi kondikteur redet eifach uf mich ih ond schiesst mi so halbr zäme ond ich setzte dete ????? okee was seit de... zom glöck esch mini gaschtschwöschter näbed draa gsässe ond die hets mer nachher nomol chönne in rueh erkläre... tja jetzt muen ich halt 25fr. förs vergässe vom billet zahle... shit happens...
aber jaa soscht esch de friitig de hammer gsii :D

heimdal :D

lüütli vo minere klass

sarah ond ich

am obe esch nämli weder mol heimdal gsii aber damol need so stenk normal sondern mer het sech müesse verchleide ond s thema  esch "S" gsi also hesch öbbis müesse darstelle wo met "S" afangt... ond ich so fantasivoll wien ich benn hanni mich als schwiitzerin verchleidet... jaa am morge am halbii 5ii benni denne weder diheime gsii ond han schöön chönne usschlofe.... am samschtig hanni denne eig. need vell gmacht... han d föteli vo de letschter ziit ufeglade ond das züüg gschrebe , s zemmer ufgruumt ( amol es bizzeli) ond för mini familie reservatione för im dezämber gmacht...
morn hanni denne nomal en match ond soscht helfi eifach s huus chli z potze ond so...
ah jo mer händ no zwöschezüügnis becho... ond jaa ich ben super stolz uf min 12er im dütsch (12=6) :P ond ond min 7er im mathi (7=4,5) ond jaa mini englisch note sägi gschieder need... :S
sooo was lauft ide nöchschte ziit no...
- schuel...
- 80. geburtstaag vo minere gaschtgrossmueter...
- match
- YFU-träffe
- ond eifach spass ha :D

ond do no paar föteli vo letscht mol...

Ribe us lego :D

amilienborg..( dete wod queen läbt)

mount rushmore

marie & sofie

gascht- sis, tante. ond mom

ben &jerry's <3

genau di gliich häx hets au im legoland california :D

mer send uf jedi schiess bahn gange :P do met minere gaschtcousine :D

mis gaschtcousindli

hahaha so en super coole alte, schnarchende legotyp :D

sooooooo vell züüg hämmer för 1taag legoland metgnoo!!!!!! wie chrank... ;)

efterårferien (=herbschtferie)

Hej allesammen

Wie versroche getsweder en neue itrag vo de letschte schuelwoche ond minere Feriewoche :D

also mini letschti schuelwoche esch eig. nüüt speziells gsi... schuel ab ond zue mol es nomiittagsschlöffli ond mentig ziischtig obe training...

mettwoch benni denne well ich so vell gässe han am obe denne no go jogge... (öbbe 9 km) dor de wald ond es esch donkel gsi ond ech han de wäg fascht need gfonde... :D ben denne aber gliich heil weder hei cho :D

am nöchschte taag nach de schuel esch denne no d sarah e fröndin vom handball zo mer cho ond mer händ zäme ufzgi gmacht... also ich han eri dütsch ufzgi gmacht ond si mini mathi :D nacheme feine znachtässe semmer denne no de match vo eusne herre go luege well mer alli e saisoncharte becho hend :D

am nöchschte taag esch denne scho de letschti schueltaag gsii... ond ich han mi scho uf en lockere loschtige taag gfreut... aber woni mini klassekamarade gfroget han öb mer höt need ergendwas speziells mched wie felm luege oder quizz oder ergend so was hends mi ganz verwerrt a glueget... die nämmed do alles vell ernschter alsbi eus...

aber jaa nach dem stenknormale schueltaag benni denne met minere Gaschtschwöschter no uf Esbjerg zom chli lädele ond aschlüssend is kino... esch voll "hyggelig" gsi :D (hyggelig=bequem, gemütlech,höbsch,erholsam,... eig. unöbersetztbar...) 

am nöchschte taag esch denne ändli ferie gsi :D ond ich han nüüt bessers z tue gha als de ganzi taag schlofe ond nüüt mache... :D aber ich han dörfe well alli vo de familie ergendwo onterwägs gsi send ond niermet dihei gsi esch... sonntig esch au ganz gemütlech gsi... mersend zerscht uf dütschland gfahre well mer för de 80. geburtstaag vo minere gaschtgrossmueter hend müesse go z trenke poschte ond z obe semmer no uf ribe wells dete so en kulturobig geh het... am nöchschte taag semmer no uf tønner... dete semmer denne go chleider för stor heimdal (=homecoming) go poschte han jetzt also es höbsches chleidli im schrank :D

ziischtig esch weder mol gemüetlech ond ruhig gsi... eig. hämmer no weg welle es het aber z fescht g rägnet zom usegah also hämmer eus halt eifach dihei chlii onterhalte... 

am nächschte taag esch es denne ab is sommerhüüsli gange... esch voll gemütlech gsi :D han ändli mol weder ziit gha zom chlii läse ond soo... z obe semmer denne nochli am tesch gsässe ond händ yazzi gschpellt... denne hanni ehne no meierle ond arschlöchle biibrocht ond zom schloss hämmer no 500Romi gschpellt ( need ganz s gliiche wie bi eus aber zemli ähnlech..)

am donnschtig morge wonni ufgschtande ben hends mer denne voller ufregig gseit dass es ide nacht gschneit het... wonn ich denne aber us em fänschter glueget han hets norno ab ond zue chlii is gha...nach emme feine zmorge semmer denne an strand gange... en wonderschöne strand :D ond am ganze strand hets bonker vom 2.WK gha wo di dütsche det anne plaziert hend... nachher semmer nochlii is städli ond denne öbbe am 4ii weder heii... denne hämmer eus schön usgrueht ond znacht gässe ond nach em znacht weder chlii charte ond yazzi spelle...

am nöchschte taag hämmer denne no s huus potzt ond send nachher weder hei gange...

am ssamschtig semmer denne no is legoland gange :D

esch super gsi aber altersmässig esch es eidütig ehner för di chliine chender... het aber mega herzigs züüg gha ond esch au loschtig gsi uf all di chender bahne z go :D

ond höt hanni no met ennere andere ustuschschüelerin abgmacht ond met ere de nommitag verbrocht :D esch super gsii :D  han aber eidütig z vell gässe... ond nachher esch grad wiiter an match gange gäge de 2. platzierti...aber jaa de vermeintlech beschti gägner esch beschesse gsii... mer hend 32:12 gunne... aber s guete esch dass wenn mer bes wiehnachte ungschlage send stiigemer schienbar diräckt idi oberschti liga :D da wär genial :D

so ond morn gahts weder wiiter met früeh ufstah ond schuel...

mäld mi weder i öbbe 2 wuche oder so...

grüessli ria

what's up in jerned :D

gugguseli guggus :D

heii zäme

verzell eu wedewer mol was so passiert esch :D

also nach dem wochenend in kopenhagenesch weder mol en 0815 schuel woche gsi... also absolut nüüt speziells... am morge früe ufstah id schuel gah de ganzi taag ide schuel hocke ond denne am 2 weder uf de heiwäg mache denne de halb namittag schlofe znachtässe ond ab is training... da esch so min normale schueltaag :D

aber am friitig esch weder mol schuelparty gsi :D

lakritze shots :D nach em 4 oder 5 werdets rächt gruusig...

esch fascht so guet wie wenn mer met em 1 in usgang goht bechonnt vell z trenke ond zahlt fascht nüüt :P

es händ mer ergendwie alli eis welle usgeh ond denne seit mer jo need nei :D

haha ond de bescht esch gsi am morge am 4 oder so hanni met emme kolleg vo minere gaschtschwöschter chli gredet ond denne er so gäll du besch die wo handball spellt denne ich so jaa scho... ond er gäll du besch ide nati ond ich völlig verwerrt nei benni need wiso? ond er di ganzi ziit mol du besch ganz secher ide nati... ond so hämmer eifach paar minute diskutiert :D

uf jede fall hanni denkt ech chönnti da wochenend mol weder eifach chli ommehänge ond eifach nüüt mache... ja hanni amol am samschtig chönnt doch sonntig esch schoweder nüüt meh gsi vo omme hänge 

aber egal esch super loschtig gsi mer send nähmli go öpfel pflöcke.. ech weiss dönnt chli komisch aber jaa het voll spass gmacht vorallem well mer fascht need ad öpfel annecho send... de hämmer halt huckepack ond so müesse mache :D

denne esch schoweder sonntig obe gsi :( ond de mäntig esch vor de töre gschtande... denne wie emmer benni schön brav id schuel gange... 

haha ah jo esch no loschtig gsi die vode klass hend welle wösse wie guet ech eig. dänisch chan... denne hends mer paar sätzt uf englisch gseit ond ech han si sölle öbbersetzte... hahaha ond si send völlig öbberrascht gsi dassi da han chönne....

denne hends mi gfroget werom ech need meh dänisch rede ond ich so.. jo weisch ech tuen lieber vell englisch rede als wenig dänisch... :P ich liebe schwätze denne channi need nor so wenig rede... :D

aber jaa jetzt gsend er uf jede fall dassi scho dänisch chan... amol meh oder weniger :D

soscht esch d woche eig. wie alli andere gsi... 

aber denne esch weder friitig gsi :D juhuiii :D

jaaa am friitig hämmer euses erschte meischterschaftsspiel gha :D

ben scho chli nervös gsi aber hetti öbberhaupt need müesse sii... die andere hend genau di erschte 10 min. guet gschpellt ond nachher hends kei chance meh gha... mer hend sii 32:14 fertig gmacht :D

denne am samschtig hanni endlech weder chönne usschlafe :D ich liebs <3 ond denne benni nachher no go championsleague luege :D KIF Kolding vs. HSV Hamburg :D 

ben leider zwösched allne kolding fans gsässe aber zom glöck send d hamburg fans need wiit eweg gsi.. :D

s stemmig esch eifach genial gsi :D aber leider hets för hamburg need ganz glanget... es het e knappi nederlag geh (32:30)

so ond höt hanni denne au no grad mis 2te saison spiel gha... ond waas sölli säge... sii send besser gsi als di andere aber gliich rächt schwach... esch also kei useforderig gsi... aber gliich no loschtig gsi zom spelle :D ide 2te halbziit händs denne norno 3 goal gmacht ond jaa denne hets weder mol en klaare sieg geh... (26:12) somet hämmer jetzt nach 2 spiel es torverhältnis vo +32 also need schlächt :D

zom abschloss vo dem wochenend hanni denne mol weder met minere family telefoniert <3 ond cougar town glueget :D mini absoluti lieblings sendig :D

jaa da wärs weder mol gsi :D

de nöchschti biitrag chonnt spötischtens i 2 woche wenni denne vo mine herbschtferie chan verzelle :D aber zersch hanni no e woche schuel :(

also gnaz liebs grüessli & kössli

Kopenhagen :D

hello again :D

also ech han mer vorgno chlii meh züüg ide blog innezschriibe ond jaa da wär denne scho s nöchschte :D

benn nämmli das wochenend met YFU in kopenhagen gsi :D ond jetzt chonnt alles was so passiert esch mini idröck ond ganz vell föteli :D

also ich fohne mol ganz fohre ah...

es esch am friitig morge früeh losgange... zersch hanni mi met zwoi andere ustuschschüeler troffe ond ben denne zäme met denne in zuug uf kopenhagen gschtege... esch e rächt amüsanti ond unterhaltsami fahrt gsi ond mer händ di ganz fahrt dore gschwätzt ändli in kopenhagen acho hets e riise begrüessig geh alli send alli go omarme ond es esch eis riise dorrenant gsi...

alli ustuschschüeler

öbbe e halb schtond spöter esch es denne losgange ändli weg vom bahnhof ab ines "super intressants" museum gange... nach öbbe 2 stond i dem museum semmer e bootstuur go mache... die hanni super gfonde esch echli chalt gsi aber uh schön ond fals öbbert mol uf kopenhagen gaht channi dass nomme empfälle... es esch wonderschön gsi ond mer gseht alles ohni zfell müesse z laufe...

bootsfahrt

ich liebe die hüüsli gsänd uh gmüetlech us...

nach dere uh schöne bootstuur hämmer denne no paar stond frei gha wommer hend chönne go shoppe ond znacht ässe

wärend em shoppe...

am nöchschte taag esch denne weder uh früe losgange... han am morge am 7nii müesse ufstoh... dass sötti ächt verbote werde...aber jaa wie er gsänd hannis öbberläbt :D

nachdem mer soo tötlech früeh händ müesse ufstah esch es weder ab id stadt gange... aber damol esch need eso schön entschpannend gsi wie de taag vorher well am samschtig hemmer alles müesse laufe... mer send de ganz taag nomme ommeglofe ond allne hend denne am obe d füess weh do... aber deför hemmer uf vell gseh ond erfahre... 

samschtig bim stadtrondgang

im königleche tall met de königleche ross

schuum... es het en gaanze bronne voll schuum gha :D

en wasser bus :D

am beschte het mer christiania gfalle...  vo de strass met de ganze droge ond bsoffne lüüt abgseh esch es uh gmüetlech ond au suuber... 

igang nach christiania

de chendergarte 

haha suuper huus :D

nach dere wanderig dor ganz kopenhagen esch es denne innes super feins ond gmüetlechs restaurant gange... e all you can eat buffet hets geh :D... aber weiss need öb da so super plannt gsi esch well diräkt nachem znacht ässe semmer alli zäme is Tivoli gloffe...  för alli wos need wössed s tivoli esch en freiziitpark zmetzt in kopenhagen...

dete hämmer de euse obe verbracht... paar send go bahne fahre ond paar anderi send wie ech eifach nomme chlii ommegloffe ond hend gschwätzt ond gässe ond souvenier läde agluegt...

so jetzt no was zom lache... mer ( kollegine ond ich) hend am igang en eifahrtecharte glösst well mer nomme uf ei bahn hend welle... wommer denne bi dere bahn agschtande send ond eusi tickets hend welle abgeh hed eus de typ gseit mer müend 3 billet ha för die fahrt... ond mer händ ja nor ei gha... de hämmer en gfroget uf welli bahn mer dennn met eim billet chönnd go ond er o jo er chönnd uf d chinderkarussel go... suuper... ja am schloss semmer denne uf gar kei bahn gange ond hends billet als souvenier heigno...

tivoli

softis & flashis

eifach de hammer <3

zrogg i eusem hostel semmer denne nochli anegsässe ond hend gchwätzt... esch au mol guet gsei eifach nüüt mache...

nöchschte morge esch weder am 7nii losgange damol met packe... nachem packe, zmorge ässe ond parat mache esch es denne weder rechtig stadt gange aber need för sight seeing oder so sondern för en wörkshop... mer händ de gaanz sonntig demmet verbracht öbber eusi besherigi ziit do z rede... aber well mer jo scho  ganze wochenend met allne gredet hend esch da chli öbberflöig gsi well mer s meischte schomal ghört het... aber was sein muss muss sein...

ond denne esch scho bald weder fertig wochenend gsi... am 3 semmer denne weder uf de zuug rechtig weschte gange ond send öbbe 2 1/2 stond spöter acho.. denne hets es feins znacht geh ond chorzi ziit spöter benni met dihei am telefoniere gsi ond am föteli ufelade gsi....ond natürli en neue blogg am schriibe :D

jaa da wärs weder mol gsii 

wenn ergend wär no wott ferie mache oder e städtereis wott mache channi kopenhagen nomme empfäle...eifach need im herbscht... es esch arschchalt gsi ond het emmer weder grägnet... ansonsten esch es e wonderschöni stadt 

es lieb grüessli ond gaanz vell kössli

ria